Аввалроқ, жорий йилнинг 27—29 июнь кунлари Тошкентда пиво фестивали ўтказилган эди. Фируза Муҳамеджонова ўзининг Facebook саҳифасида Пиво фестивали биринчи марта ўтказилмаётганлиги, бу тадбирни ўтказиш анъанага айланиб бораётганлиги ва бу тадбирни ким ва нимага қўллаб-қувватлаётганини танқид остига олди.
Унинг қайд этишича, майдон одамлар билан гавжум бўлиб, иштирокчиларнинг аксариятини ёшлар ташкил қилган.
"Ўзбекистон Германия эмаски, ҳар йили шугина тадбирдан 1 миллиард евродан ортиқ даромад олиб келса...Ёшларимизга атиги 5 минг сўм эвазига спиртли ичимликни таклиф этишни эса оқлаб бўлмайди!
Тошкент — мамлакатнинг юраги. Маданият, сиёсат, туризм, медиа — ҳаммаси мана шу ерда бошланади. Демак, бу ерда ўтказилган ҳар қандай тадбир бутун мамлакат учун намуна бўлмоғи даркор. Бироқ бу кетишда бу каби тадбирлар Бухоро, Самарқанд ва ҳатто Қўқонгача етиб бориши ҳеч гапмас. Балки етиб боргандир ҳам... Пиво фестивалини айнан Тошкентда ўтказиш — бу шунчаки фаоллар ёки бизнес ташаббуси эмас, балки халқни миллий анъаналари ва ўзлигига тупуришдир",- дейди Фируза Муҳамеджонова.
Шунингдек, у бундай танловлар жамоат жойида, бутун жамият кўз ўнгида тарғиб этилишига йўл қўйиб бўлмаслигини таъкидлади.
"Бугун пиво, эртага вино, кейин спиртли барлар ҳеч қандай маданий чекловсиз тадбирлар – шундай кетма-кетликда жамиятни сездирмасдан ўзгартириш мумкин. Албатта, кимнинг нима ичиши унинг шахсий танлови. Лекин бу танловни жамоат жойида, бутун жамият кўз ўнгида тарғиб этилишига йўл қўйиб бўлмайди.
Эркинлик тушунчаси маданиятсизлик ва ҳадсизликка аралашиб кетса, бу жамиятнинг ўзлигини йўқотишидан дарак. Жамоатчилик бу каби оммавий тарғиботларга қарши фикр билдириши керак эмасмиди?!
Ахир бугун маънавият ва ёшлар масаласида етарли ишониш қийин бўлган муаммолар бор".
Мутахассисларнинг фикрича, Ўзбекистонда айни кунда энг ёш гиёҳванднинг ёши 12да...
Демак бугун баҳс очилган масала бу фақат дарахт масаласи эмас..
"Бу — инсоннинг ўз ҳаёти, келажагига боғлиқ масала. Агар бир ёғоч учун жамият шундай фаол қўзғалса – демак, бу жамиятдан катта умид кутиш мумкин. Негаки мусулмон одамнинг қалбига "Қиёмат қоим бўлаётганини кўрсанг ҳам, қўлингда бир дарахт ниҳоли бўлса, уни экиб улгур"деган ўгит муҳрланган.
Бироқ бу борада ҳам икки хил стандарт борга ўхшайди: дарахт кесишга исён, пиво фестивалига сукунат!!!
Хулосам: Дарахтни қандай ҳимоя қилсак, ўзлигимизга дахлдор масалада ҳам шундай собит бўлайлик. Зеро дарахтни бўшини барибир қурт ейди.... ",- дея ёзиб қолдирган ўз саҳифасида.
Изоҳ