Ўзбекистон Вазирлар Маҳкамасининг тегишли қарорига мувофиқ Педагогика фанлари бўйича фалсафа доктори, профессор Турсуналиев Илҳомжон Ахмедович Ўзбекистон давлат спорт академияси ректори лавозимига тайинланди.
Илҳомжон Турсуналиев 1971 йилда Фарғона вилоятида таваллуд топган.1996 йил Фарғона давлат университетини жисмоний тарбия ва жисмоний маданият мутахассислиги бўйича тамомлаган.
2006-2015 йилларда Фарғона Олимпия захиралари коллежи директори, 2015 йилдан Жисмоний тарбия ва спорт бўйича мутахассисларни қайта тайёрлаш ва малакасини ошириш институти ректори лавозимида самарали фаолият юритиб келган.
Илҳомжон Турсуналиев томонидан республика ва хорижий илмий журнал ҳамда тўпламларида 70 дан ортиқ илмий мақола ва тезислар, шунингдек 20 га яқин дарслик, ўқув ва ўқув-услубий қўлланмалар чоп этилган.
Эслатиб ўтамиз, мазкур академия 2024 йил май ойида президент фармони билан ташкил қилинган.
Изоҳ