Токио-2020 Паралимпия ўйинларининг навбатдаги кунида Элбек Султонов пара-енгил атлетиканинг Ф12 тоифасида ядро улоқтириш баҳсларида иштирок этди.
Унинг дастлабки уринишда қайд этган 15.94 метр натижаси якунда шоҳсупага кўтарилишига замин яратди. Бу Султонов учун янги шахсий натижа бўлди. Ғолиблик жаҳон рекордини ўрнатган испаниялик Ким Лопесга (17.04) насиб этган бўлса, украиналик Роман Данилюк (16.53) кумуш медалга эга чиқди.
Токио-2020 Паралимпия ўйинлари.
Эркаклар, ядро улоқтириш Ф12 тоифаси
1. Ким Лопес (Испания) – 17.04
2. Роман Данилюк (Украина) – 16.53
3. Элбек Султонов (Ўзбекистон) – 15.94
Шу тариқа, Ўзбекистон делегациясининг қўлга киритган медаллари сони 1 тадан олтин ва кумуш ҳамда 2 та бронзани ташкил этмоқда.
