Тошкент вилоятида пора олган судьяга нисбатан жиноят иши қўзғатилди. Бу ҳақда Судьялар олий кенгашининг йиғилишида маълум қилинди.
Бош прокурорнинг Тошкент вилояти фуқаролик ишлари бўйича туманлараро суди судьяси Т. О.ни Жиноят кодексининг 210-модда (пора олиш) 2-қисми билан жиноий жавобгарликка тортишга оид тақдимномаси муҳокама қилинди.
Якунда Кенгаш хулосаси билан Т.О.ни жиноий жавобгарликка тортишга розилик берилди.
Қайд этилишича, тергов сири ва айбсизлик презумпцияси талабларидан келиб чиқиб, бошқа тафсилотлар ошкор қилинмайди.
Маълумот учун, мазкур модда билан айбли деб топилганлар 5 йилдан 10 йилгача озодликдан маҳрум қилиш билан жазоланади.
