Маълум қилинишича, жорий йилнинг 1 февраль куни Янгиҳаёт туманида эркак аёлини 20 марта пичоқлаб, унга тан жароҳати етказган. Бу ҳақда "Миллар" дастури хабар қилди.
Аниқланишича, аёл 1986 йилда, турмуш ўртоғи эса 1978 йилда туғилган. Уларнинг 2 нафар фарзанди бўлган.
"Пичоқни ураётганини билмадим, дўппослаяпти деб ўйлаган эдим. Қўлим билан юзимни тўсганимда, пичоқ силлиқ кириб чиққанини билдим",- дейди жабрланувчи аёл.
Унинг таъкидлашича, турмуш ўртоғининг бу ишни содир қилганига наркотика ва уй жойни сотиши содир бўлган.
"Мен қаерга бораман, 2 та болам билан, дедим. Сўнгра сизга гапирадиган гапим йўқ деб кетаётганимда, орқамдан урди",- дея қўшимча қилди аёл.
Ҳозирда бемор аёл пойтахтдаги шифохоналардан бирида даволанмоқда. Тиббиёт ходимларининг саъй- ҳаракатлари сабаб аёлнинг ҳаёти сақлаб қолинган.
Ҳолат юзасидан Бош прокуратура Матбуот котиби Ҳаёт Шамсутдинов расмий муносабат билдирди. Унинг таъкидлашича, ҳолат юзасидан ЖКнинг 25-орқали 97-моддаси (қасддан одам ўлдиришга суиқасд қилиш) билан жиноят иши қўзғатилган. Гумонланувчи шахс процессуал тартибда ушланган. Ҳозирда тергов ҳаракатлари олиб борилмоқда.
