Аввалроқ, Тошкент шаҳрида 32 ёшли эркак 16 ёшли болани калтаклагани ва ҳолат юзасидан жиноят иши қўзғатилгани ҳақида хабар қилган эдик.
Маълум қилинишича, фуқаро М.И.нинг қизи синфдоши билан жанжаллашган. Қизининг таъкидлашича, синфдоши уни турли сўзлар билан ҳақорат қилиб, таҳдид қилган. Сўнгра қизнинг ота-онаси боладан кечирим сўратиш мақсадида унинг уйига бориб, жанжал кўтарган. Натижада унинг акасини турли жойларига уриб, унга тан жароҳати етказган.
Мазкур ҳолат юзасидан Тошкент шаҳар ЖИБ Сирғали тумани судида кўриб чиқилди.
Суд ҳукмига кўра, фуқаро М.И. МЖтКнинг 183-моддасида назарда тутилган ҳуқуқбузарликларни содир қилганликда айбли деб топилиб, унга нисбатан МЖтКнинг 183- моддаси билан ўн беш сутка маъмурий қамоқ жазоси тайинланди. Унинг аёлига нисбатан БҲМнинг бир баравари яъни 340 000 сўм жарима жазоси тайинланди.
