Тошкентда Nexia-2 автомашинаси йўл-транспорт ҳодисасига учраб, иккига бўлиниб кетгани айтилган видео ижтимоий тармоқларга сиздирилди. Ушбу ҳолат юзасидан Тошкент шаҳар ИИББ Матбуот хизмати UzNews.uz'га маълумот берди.
Аниқланишича, жорий йилнинг 25 ноябрь куни соат 01:30 атрофида Чилонзор тумани Бунёдкор шоҳ кўчасида 1997 йилда туғилган А.А. бошқарувида бўлган Nexia-2 ҳамда 1997 йилда туғилган Н.Н. бошқарувида бўлган Spark автомашиналари иштирокида йўл-транспорт ҳодисаси содир бўлган.
ЙТҲ натижасида Nexia-2 автомашинаси ҳайдовчисига шифокорлар томонидан биринчи ёрдам кўрсатилган. Бундан ташқари яна 4 нафар йўловчи жароҳат олган ва улар ҳам тиббий бўлимга мурожаат қилишган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.