Аввалроқ, Тошкентда 48 ёшли эркак ёш қизчани алдов йўли билан подъездга чақириб, унга тегажоғлик қилгани ҳақида хабар берилганди.
Қизча дарҳол бўлган воқеа ҳақида онасига айтган. Она эса ҳуқуқни ҳимоя қилиш органларига мурожаат қилган. Психологик экспертиза қизча рост гапираётганини тасдиқлаган.
Тошкент шаҳар суди Матбуот хизматининг UzNews.uz’га хабар қилишича, Жиноят ишлари бўйича Тошкент шаҳар Юнусобод туман суди Р.Ш.ни ЖКнинг 25, 119-моддалари (Жинсий эҳтиёжларни ғайритабиий шаклда мажбуран қондириш) билан жиноят содир этганликда айбдор деб топди.
Судланувчи Жиноят кодексининг 25-моддаси 4-қисми, 119-қисми асосида ушбу кодекснинг 57-моддасини қўллаган ҳолда 10 йил муддатга озодликдан маҳрум қилиш жазосига ҳукм қилинди.
Жазони ўташ умумий режимдаги колонияларда белгиланди. Биринчи инстанция судининг қарори устидан қонун ҳужжатларида белгиланган тартибда апелляция ва протест келтирилиши мумкин.
