Аввалроқ, ижтимоий тармоқларда Фарғонада эҳсон қутиси ўғирлаб кетилганлиги ҳақидаги видеохабар тарқалди. Фарғона вилояти ИИБ UzNews.uz'га ҳолат юзасидан маълумот берди.
Маълум бўлишича, Қўштепа туманидаги “Сармозор” МФЙ ҳудудига ўрнатилган эҳсон қутисини номаълум шахслар Damas русумли автомашинага солиб, ўғирлаб кетишган. Мазкур ҳолат юзасидан ИИОга ҳеч қандай мурожаат келиб тушмаган.
"Ҳозирда ҳолат туман ИИБ томонидан тегишли тартибда рўйхатга олиниб, терговга қадар текширув ҳаракатларига киришилди. Якунига кўра қонуний қарор қабул қилиниши таъминланади", - дейилади хабарда.
