Монополияга қарши курашиш қўмитаси қатор давлат идоралари билан ҳамкорликда маҳаллий ёғ маҳсулотларининг нархи ошиши сабабларини чуқур ўрганаётганини маълум қилди.
Қайд этилишича, тузилган ишчи гуруҳ бозорда ўзаро рақобатчи бўлган пахта-тўқимачилик кластерлари ва кооперациялари ўртасида келишиб олинган ҳаракатлар ва келишувлар бор ёки йўқлигини аниқлаштирмоқда.
Рақобатга зид бўлган ҳаракатлар аниқланса, тегишли компания ва шаҳсларга нисбатан Қонунда белгиланган ҳамма зарур чоралари кўрилиши таъкидланмоқда.
Аввалроқ, кунгабоқар ёғи ва маҳаллий пахта ёғи нархлари кескин қимматлаши сабаблари айтилганди.
