Афғонистон Савдо ва сармоялар палатаси раҳбари Саид Карим Ҳошимий ҳамда Ўзбекистон Савдо-саноат палатаси раиси Доран Ваҳабов Бомиён картошкасининг 100 минг тоннасигача Ўзбекистонга экспорт қилиш бўйича келишиб олган. Ҳозирда экспорт шартномасини расмийлаштириш ишлари олиб борилмоқда.
Маълум қилинишича, картошканинг биринчи партияси саккизта юк машинасида Ҳайратон божхона порти орқали Термиз шаҳрига жўнатилган.
Икки мамлакат савдо палаталари маҳаллий ҳокимият органлари билан ҳамкорликда фермерлар ва тадбиркорлар ўртасида алоқаларни йўлга қўйиш, маҳсулотни харид қилиш, сотиш ва ташиш жараёнларини мувофиқлаштиришга кўмаклашмоқда.
Ушбу ташаббус Бомиён фермерлари учун янги бозор имкониятларини очиши ва Ўзбекистон билан Афғонистон ўртасидаги савдо алоқаларини кенгайтириши кутилмоқда.
Изоҳ