Ички ишлар вазирлиги ва унинг ҳудудий бўлинмалари, шунингдек, Давлат хавфсизлик хизмати ходимлари ҳамкорлигида ўтказилган тезкор-қидирув тадбирлари натижасида икки нафар йирик наркокурьер Самарқанд вилоятининг Тойлоқ туманида ушланди.
Улар «Ласетти» автомашинасида дала майдонига келиб, белгиланган геолокацияда яширилган 41 кг 200 гр опий ва 14 кг 550 гр гашишни олаётган вақтида қўлга олинган.
Тезкор суриштирувда ушбу шахслар бир йилдан буён республика ҳудудида гиёҳвандлик воситаларини тарқатиш билан шуғулланиб келгани аниқланган. Улар наркотик моддаларни қўшни республикада яшовчи раҳнамоларининг топшириғига биноан, кўрсатилган шахсларга етказиши керак бўлган.
Ҳолат юзасидан Жиноят кодексининг 273-моддаси 6-қисми «а» банди билан жиноят иши қўзғатилган.
Изоҳ