Президент Шавкат Мирзиёев бу ҳақда Туркий давлатлар ташкилоти Давлат раҳбарлари кенгашининг йиғилишида маълум қилди. У туркий давлатлар ёшлари учун ҳар йили 200 та таълим гранти ажратилишини айтиб, қардош мамлакатлар ёшларини ушбу имкониятдан унумли фойдаланишга чақирди.
Давлат раҳбари технологик тараққиётнинг асоси инсон капитали, замонавий билим ва кўникмаларга эга ёш авлод эканини таъкидлади. Шунингдек, ёшлар таълимига киритилган сармоя узоқ муддатли ҳамкорликнинг мустаҳкам пойдевори бўлишини қайд этди.
Маълумот учун, айни пайтда «Янги Ўзбекистон» стипендияси доирасида 500 нафар хорижий талабага грант асосида таҳсил олиш имконияти яратилган.
Изоҳ