Маълум қилинишича, ҳодиса 2026 йил 13 октябрь куни соат 17:30 ларда туманнинг тоғли ҳудудларида қисқа муддатли кучли ёмғир ёғиши натижасида содир бўлган. Сел сувлари «Қўнғирот» маҳалла фуқаролар йиғинининг Шакарбулоқ қишлоғи ҳудудидан оқиб ўтган.
Дастлабки маълумотларга кўра, йўлдан адашган Дамас ҳайдовчиси ва унинг ҳамроҳи йўналишни аниқлаш мақсадида сел оқими ўтадиган ҳудудда тўхтаган. Автомобиль сирпаниб, сел йўлининг чуқурроқ қисмига тушиб кетган.
Шундан сўнг ҳайдовчи машинадан тушиб, телефон орқали боғланишга уринган ва ҳамроҳини сел келаётганидан огоҳлантирган. Бироқ сел оқими автомобиль ва унинг ичидаги йўловчини оқизиб кетган.
Ҳодиса жойига туман ҳокимлиги, Фавқулодда вазиятлар бўлими ҳамда Ички ишлар бўлими масъуллари жалб этилган.
Изоҳ