Маълум қилинишича, Хитойдан юборилган жўнатмани курьерлик хизмати билан шуғулланувчи фирманинг Тошкент шаҳридаги офисида қабул қилиб олиш вақтида 2000 йилда туғилган, Юнусобод туманида яшовчи шахс ҳамда унинг 1998 йилда Фарғона вилоятида туғилган таниши қўлга олинган. Иккинчи шахс ҳозирда Чилонзор туманида вақтинча истиқомат қилиб келган.
Жўнатма очиб текширилганда, унинг ичида оқ рангли кукун кўринишидаги 24 кг 974 грамм «Прегабалин» кучли таъсир қилувчи моддаси борлиги аниқланган.
Мазкур ҳолат юзасидан Жиноят кодексининг 246-моддаси 1-қисми билан жиноят иши қўзғатилган. Ушланган шахсларга нисбатан қамоққа олиш эҳтиёт чораси қўлланилган.
Ҳозирда тергов ҳаракатлари олиб борилмоқда.
Изоҳ