Президент Шавкат Мирзиёев инвесторлар ва тадбиркорлар билан учрашувда инфратузилма тўловларини қайта кўриб чиқиш бўйича топшириқ берди.
Унга кўра, савдо, хизмат кўрсатиш ва бизнес марказлари учун инфратузилма тўловининг базавий ставкаси 3 баробар, меҳмонхоналар ва туристик объектлар учун 5 баробар, маданий-кўнгилочар муассасалар учун эса 10 баробар камайтирилади.
Хусусий боғчалар, мактаблар ва шифохоналар учун тўлов миқдори 1 фоиз этиб белгиланади.
Янги тартиб қурилиши аллақачон бошланган лойиҳаларга ҳам татбиқ этилади.
Шунингдек, дунёнинг етакчи архитекторлари томонидан ишлаб чиқилган ноёб лойиҳаларни кўриб чиқиш ва амалга оширишнинг тезлаштирилган тартиби жорий этилади. Объектларни лойиҳалаш, қуриш ва фойдаланишга топшириш жараёнлари тезлаштирилиб, бир хил маълумотларни қайта-қайта талаб қилиш амалиётига чек қўйилади.
Изоҳ