Ўзбекистон ва Туркия ҳуқуқни муҳофаза қилувчи органларининг ҳамкорлиги натижасида Туркияда халқаро қидирувда бўлган Ўзбекистон фуқароси М. Х. қўлга олинди. Бу ҳақда Ўзбекистоннинг Истанбул шаҳридаги Бош консулхонаси маълум қилди.
Қайд этилишича, М. Х. Ўзбекистон Республикаси Жиноят кодексининг 135-моддаси (одам савдоси) ва 223-моддаси (Ўзбекистон Республикасидан четга ноқонуний чиқиш ёки Ўзбекистон Республикасига ноқонуний кириш) билан қўзғатилган жиноят иши доирасида халқаро қидирувга берилган.
Тергов маълумотларига кўра, у бошқа шахслар билан олдиндан тил бириктириб, қизларни алдаш йўли билан Қозоғистон орқали Таиланд ва Туркияга олиб чиққан. У ерда уларни фоҳишалик билан шуғулланишга жалб қилганликда гумон қилинган.
Ўзбекистон ва Туркия ваколатли органларининг қўшма тезкор тадбирлари натижасида қидирувдаги аёлнинг турган жойи аниқланиб, ушланган. Кейинчалик уни Ўзбекистонга қайтариш таъминланган.
Изоҳ