Давлат хавфсизлик хизматининг Жиззах ва Наманган вилоятлари бўйича бошқармалари ҳамда Божхона органлари ҳамкорлигида ўтказилган тезкор тадбирда Поп туманида яшовчи 1989 йилда туғилган ва Избоскан туманида яшовчи 1999 йилда туғилган икки нафар шахс ушланган.
Улар жами 37,4 млн сўмлик қалбаки пулларни шартли харидорга 7,5 млн сўмга сотаётган вақтида ашёвий далиллар билан қўлга олинган. Шахсий тинтув ва «Ласетти» автомашинаси салонини текшириш жараёнида яна 6,4 млн сўмлик қалбаки пуллар аниқланган.
Тезкор тадбир давомида гумонланувчилардан бирининг хонадони кўздан кечирилганда, 7,7 млн сўмлик қалбаки пуллар, турли номиналдаги купюралар тасвири туширилган 145 дона оқ қоғоз, компьютер, рангли принтер ва бошқа ашёлар ҳам олинган.
Ҳолат юзасидан икки шахсга нисбатан жиноят иши қўзғатилган. Ҳозирда тергов доирасида уларнинг жиноий алоқаларини аниқлаш бўйича чоралар кўрилмоқда.
Изоҳ