Вазирликка кўра, ҳодиса ўқув парвози вақтида содир бўлган. Ҳалокатнинг сабаблари ва экипаж тақдири ҳақида расмий маълумотлар ҳозирча тўлиқ очиқланмаган.
Аввалроқ Mash ва бошқа манбалар ҳалокатга учраган самолёт Tu-95 ҳарбий транспорт самолёти бўлганини хабар қилган эди. Уларнинг маълумотига кўра, самолёт Красноярово қишлоғи ҳудудида ҳавога кўтарилганидан бир неча дақиқа ўтиб қулаб тушган.
Дастлабки маълумотларда самолёт бортида етти киши — тўрт нафар экипаж аъзоси ва йўловчилар бўлгани айтилган. Ҳалокатдан сўнг самолётнинг ёқилғи баклари портлаб, ёнғин чиққан.
Манбаларга кўра, олти киши ҳалок бўлган, икки нафар ҳарбий эса шифохонага олиб кетилаётганда вафот этган. Baza маълум қилишича, ҳалокатдан тирик қолган ягона киши ўртача оғирликдаги жароҳатлар билан шифохонага ётқизилган.
Baza самолёт «Украинка» авиагуруҳига тегишли бўлганини ёзган. Канал, шунингдек, ҳалокатга ёқилғи портлаши сабаб бўлган бўлиши мумкинлигини тахмин қилган. Бироқ бу версия ҳозирча расман тасдиқланмаган.
Кейинчалик «Коммерсантъ» ўз манбаларига таяниб, самолёт ҳавога кўтарилганидан тахминан беш дақиқа ўтиб ҳалокатга учрагани ҳақида хабар берди. Шунингдек, парвоз ёки унга тайёргарлик қоидаларини бузиш бўйича Россия Жиноят кодексининг 351-моддаси асосида жиноят иши қўзғатилгани айтилди.
Ҳодиса юзасидан дастлабки хабарларда ҳалок бўлганлар сони уч киши, жароҳатланганлар эса тўрт киши экани айтилган. Самолёт тури ҳам аввал маълум қилинмаган.
Маълумот учун, 15 июнь куни Иркутск вилоятида Тu-22М3 бомбардировчиси қўниш вақтида ҳалокатга учраган эди. Россия Мудофаа вазирлиги экипаж аъзолари катапульта орқали самолётни тарк этгани ва самолёт ўқ-дорисиз ўқув парвозини амалга оширганини билдирган. Иркутск вилояти губернатори Игорь Кобзев дастлабки сабаб сифатида двигателлар ишдан чиққанини айтган.
Изоҳ