Коррупцияга қарши курашиш агентлиги Шаҳрисабз тумани ҳокими Самад Ҳасановнинг фуқаро хонадонига кириб, уй-жой тозалиги бўйича танбеҳ бергани юзасидан вилоят ҳокимлигига тақдимнома киритди.
Агентлик ҳар қандай даражадаги раҳбар фуқаролар билан мулоқотда давлат хизматчиси одоб-ахлоқ қоидаларига қатъий риоя қилиши шартлигини таъкидлади.
«Фуқароларнинг шахсий ҳаёти дахлсизлигини бузиш, уларнинг шаъни ва қадр-қимматини камситиш, шунингдек, асосланмаган маъмурий босим ўтказиш қонунчиликка ҳамда этика меъёрларига мутлақо зид», — дейилади муносабатда.
Шунингдек, Коррупцияга қарши курашиш агентлиги давлат хизматчилари томонидан одоб-ахлоқ қоидалари бузилишининг олдини олиш бўйича ваколатлари доирасида Қашқадарё вилояти ҳокимлигига мазкур ҳолат юзасидан хизмат текшируви ўтказиш ва унга қонуний ҳуқуқий баҳо бериш ҳақида тақдимнома киритганини маълум қилди.
Изоҳ