Ижтимоий тармоқларда аттракционда учгандан кейин жароҳат олган фуқаролар акс этган видео тарқалди. Мазкур ҳолат юзасидан Саноат, радиация ва ядро хавфсизлиги қўмитаси муносабат билдирди.
Маълум қилинишича, бахтсиз ҳодиса 10 июнь куни соат тахминан 22:00 да Жиззах шаҳридаги «Ўрда» экологик маданият ва дам олиш боғида жойлашган «Қулаш минораси» («Башня падения») аттракционида содир бўлган.
Аттракционда юзага келган носозлик оқибатида тўрт нафар фуқаро турли даражада жароҳат олиб, шифохонага ётқизилган.
Қайд этилишича, аттракцион 2019 йилда ишлаб чиқарилган бўлиб, унинг техник кўрикдан ўтказилиши 2025 йил 5 ноябрь куни амалга оширилган.
Ҳозирда ҳолат юзасидан терговга қадар текширув олиб борилмоқда, воқеанинг барча ҳолатлари аниқланмоқда.
Изоҳ