Президентнинг "2026 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида"ги фармонига мувофиқ, 9 май - Хотира ва қадрлаш куни беш кунлик иш ҳафтасида ишлайдиган ходимлар учун шанба - дам олиш кунига тўғри келади.
Шу муносабат билан ушбу дам олиш куни 11 май, душанба кунига кўчирилади.
11 май куни умумтаълим мактаблари ўқувчилари учун шу кундаги жадвалга мувофиқ (бошланғич синф ўқувчилари бундан мустасно) ўқув машғулотлари ташкил этилади.
Бироқ, давлат мактабгача таълим ташкилотлари учун 11 май дам олиш куни бўлади.
Таъкидланишича, нодавлат таълим муассасаларида дам олиш кунларини белгилаш тартиби муассасаларнинг ички қоидалари билан белгиланади.
Изоҳ