Қамчибек Ташиев Вазирлар Маҳкамаси Раисининг ўринбосари - Миллий хавфсизлик давлат қўмитаси раиси лавозимидан озод этилди. Бу ҳақда Қирғизистон президенти Матбуот хизмати хабар берди.
Қирғизистон президенти Садир Жапаров Фармонга имзо чекди, унга кўра Қирғизистон Республикаси Конституциясининг 70-моддаси 1-қисми 4-бандига, 71-моддасига мувофиқ Ташиев Қамчибек Қидиршаевич Вазирлар Маҳкамаси раисининг ўринбосари - Миллий хавфсизлик давлат қўмитаси раиси лавозимидан озод этилди.
Қирғизистон президенти Садир Жапаровнинг Фармонига кўра лавозимидан озод этилган Ташиев ўрнига Қирғизистон Республикаси Конституциясининг 70-моддаси 1-қисми 2-банди, 71-моддасига мувофиқ Шабданбеков Жумгалбек Кумарович Қирғизистон Миллий хавфсизлик давлат қўмитаси раиси вазифасини бажарувчи этиб тайинланди.
Жумгалбек Шабданбеков номзоди Миллий хавфсизлик давлат қўмитаси раиси лавозимига тайинлаш учун Қирғизистон Республикаси Жогорку Кенешига келишиш учун киритилмоқда.
Изоҳ