Ҳиндистон шимолидаги Фаридобод шаҳридаги Суражкунд ярмаркасида аттракционнинг қулаши акс этган видео интернетда пайдо бўлди.
Кадрларда "Сунами" аттракциони тўлиқ ишлаётган пайтда иншоотнинг таянч устунларидан бири қулаб тушганидан сўнг, ярмаркага ташриф буюрувчилар устига тўғридан тўғри қулагани кўрсатилган.
India Today нашрининг ёзишича, ҳодиса маҳаллий вақт билан тахминан соат 18:15 да содир бўлган. Жароҳатланганлар касалхонага олиб кетилган. Полиция инспектори одамларни қутқаришга уринаётганда, аттракционнинг бир қисми офицернинг юзига тегиб кетган. Оқибатда у вафот этган. 13 киши жароҳатланган.
Аттракцион операторига қарши жиноий иш қўзғатилган.
Туман маъмурияти ходимлари тез орада воқеа жойига етиб келишган. Кейинги воқеаларнинг олдини олиш учун ҳудуд ўраб олинган.
Ҳодиса юзасидан жиноят иши қўзғатилган.
Изоҳ