Абдураҳмонов Ислом Абдуғаниевич "Ўзбекгидроэнерго" АЖ бошқаруви раиси этиб тайинланди. Ушбу қарор акциядорларнинг навбатдан ташқари умумий йиғилиши давомида қабул қилинди.
Ислом Абдураҳмонов билан уч йил муддатга меҳнат шартномаси тузилган.
Бунгача у 2018-2025 йилларда "To‘palang HPD Holding" МЧЖ раҳбари бўлган.
Қайд этилишича, Ислом Абдураҳмонов 2017 йилнинг май ойидан 2025 йилнинг декабрига қадар "Ўзбекгидроэнерго" АЖга раҳбарлик қилган Сангинов Абдуғани Абдураҳмоновичнинг ўғли ҳисобланади.
Абдуғани Сангиновнинг ўзи ўтган йилнинг декабрь ойида "Ўзбекнефтгаз" акциядорлик жамиятига раҳбар этиб тайинланган эди.
Изоҳ