Жорий йилнинг 28 ноябрь куни жиноят ишлари бщйича Хатирчи туман судида С.С.га оид суд иши кўриб чиқилди.
Судланувчи С.С. 2021 йил июль ойидан бошлаб, Россияда мавсумий ишлаб келиши мобайнида, жорий йилнинг 15 апрель куни Россия Қуролли Кучларига ёлланиб, низолашаётган давлатнинг фуқароси ва ҳарбий хизматчиси ҳисобланмасдан, назорат қилиниб турган низолашаётган давлат ҳудудида доимий яшамасдан "Россия-Украина" қуролли тўқнашувларида Россия манфаатларида иштирок этиш мақсадида Россия Қуролли Кучлари билан бир йил муддатга шартнома имзолаган.
Шундан сўнг, С.С. 2025 йил апрель-июнь ойларида Россия Қуролли Кучларига қарашли ҳарбий қисмда ўқ-отар қуроллар, портловчи моддалар ҳамда ҳарбий разведка дронлари билан муомала қилиш усулларини ўрганиб, 2025 йил 9 июль куни Украинанинг Луганск шаҳрига қуролли тўқнашувларида иштирок этиш учун борган.
У 2025 йил 12 июль куни Украинанинг Луганск шаҳрида бўлиб ўтган қуролли тўқнашувлар натижасида тан жароҳати олиб, ҳарбий госпиталга жойлаштирилган ҳамда 4 сентябрь куни Ўзбекистонга қайтиб келган.
Суд ҳукмига кўра, судланувчи С.С. ЖКнинг 154-моддаси 1-қисмида назарда тутилган жиноятни содир этганликда айбдор деб топилди. Унга ушбу модда билан ЖКнинг 57-моддасини қўллаб, 4 йил муддатга озодликни чеклаш жазоси тайинланди.
Изоҳ