Марказий банк раҳбарининг собиқ ўринбосари Наманган шаҳрига ҳоким этиб тайинланди

Наманганда Наманган вилояти ҳокими Шавкатжон Абдураззоқов иштирокида халқ депутатлари Кенгашининг навбатдан ташқари сессияси бўлиб ўтмоқда.

Сессияда шаҳарнинг янги ҳокимини тайинлаш масаласи кўриб чиқилди.

Депутатлар Наманган вилояти ҳокимининг Аюбхон Арибджанович Камаловни ушбу лавозимга тайинлаш тўғрисидаги қарорини бир овоздан маъқуллади.

Ушбу тайинловга қадар Аюбхон Камалов 2020 йил декабрь ойидан буён Ўзбекистон Марказий банки раиси ўринбосари лавозимида ишлаб келаётган эди.

Эслатиб ўтамиз, шаҳарнинг собиқ ҳокими Анвар Отахўжаев 60 минг доллар пора олаётганда қўлга олинган эди. Амалдор ушбу маблағ эвазига тадбиркорга эски турар-жой бинолари ўрнида янги бино қуриш ҳуқуқини беришни ваъда қилган.