Исроил бош вазири Бинямин Нетаняху агар Фаластиннинг "ХАМАС" ҳаракати гаровга олинганларни белгиланган муддатда озод қилмаса, мамлакат армияси Ғазо секторида "қизғин жанглар"ни давом эттиришини айтди. Бир кун аввал "ҲАМАС" Исроилни ўт очишни тўхтатиш бўйича келишувни бузганликда айблаб, гаровга олинганларни топширишни кечиктирган эди.
"Агар "ҲАМАС" шанба куни тушгача гаровга олинганларни қайтармаса, ўт очишни тўхтатиш режими тугайди ва ЦАХАЛ "ҲАМАС" якуний мағлубиятга учрамагунча шиддатли жангларга қайтади," - деди Бинямин Нетаняху The Times of Israel наршига берган видеомурожаатида.
Исроил ва "ҲАМАС" ўртасидаги ўт очишни тўхтатиш режими 19 январдан кучга кирди. 8 февраль куни ҳаракат гаровга олинган уч кишидан иборат бешинчи гуруҳни озод қилди, Исроил эса 183 нафар фаластинлик маҳбусни озод қилди. Икки кундан кейин "ҲАМАС" ЦАҲАЛни Ғазо сектори шимолидаги қочқинларни ўққа тутишда ва гуманитар ёрдам олиб кирилишига тўсқинлик қилишда айблади.
Ҳаракат 15 февралга режалаштирилган асирларни озод қилишни бекор қилди. Исроил Мудофаа вазирлиги алмашинув тўхтатилгандан сўнг армияни жанговар ҳолатга келтирди. Бинямин Нетаняхунинг сўзларига кўра, кучлар Ғазо сектори яқинида тўпланмоқда.
"ҲАМАС" асирлигида 76 киши қолмоқда, улар орасида Россия фуқароси Александр Труфанов ҳам бор. Баъзи асирлар ҳалок бўлди. Исроил билан келишувнинг биринчи босқичи доирасида ҳаракат 33 кишини асирликдан озод қилиши керак, улардан 16 нафари аллақачон озод қилинган," - дейилади хабарда.