Экология вазирлиги Матбуот хизматининг хабарига кўра, жорий йилнинг 4 январь куни Янгийўл тумани Самарқанд МФЙ ҳудудида туман Экология бўлими бошлиғи А.Н. ҳамда бош мутахассис А.Ж. навбатдаги назорат рейд тадбирларини олиб бораётган бўлган.
Шу вақтда 4 нафар номаълум шахс ўзларининг "Жигули" русумидаги машинасида уларнинг йўлини тўсиб, хизмат фаолиятига тўсқинлик қилган.
Ходимлар ўзларини таништириш мақсадида хизмат гувоҳномаларини тақдим этган вақтда ҳуқуқбузарлар уларга ташланиб, турли тан жароҳатлари етказган. Оқибатда уларнинг кийимлари яроқсиз ҳолатга келтирилган.
Қайд этилсиҳича, инспекторларга Янгийўл тумани марказий шифохонасида биринчи тиббий ёрдам кўрсатилган. Уларнинг аҳволи ўртача даражада дея баҳоланмоқда.
Ҳозирда ушбу ҳолат Янгийўл тумани ИИБ томонидан ўрганилмоқда.
