Cўнгги 6 ой ичида Ўзбекистонга чет элдан 2 млнга яқин мобиль телефон олиб келинди

Миллий статистика қўмитаси маълумотларига кўра, Ўзбекистонга 2025 йилнинг январь-июнь ойларида хориждан қиймати 194,4 млн АҚШ долларига тенг бўлган қарийб 1,9 млн дона мобиль телефон импорт қилинган.

Бу кўрсаткич ўтган йилнинг мос даврига нисбатан 64,7 минг дона ёки 3,6 % га ошган.

Ўзбекистонга 2025 йилнинг 6 ойида энг кўп мобиль телефон етказиб берган давлатлар:

— Хитой – 1 420,7 минг дона;
— Ветнам – 375,1 минг дона;
— БАА – 64,2 минг дона;
— Ҳиндистон – 16,4 минг дона;
— Бошқа давлатлар – 1,1 минг дона.