Ижтимоий тармоқларда Қашқадарёда спорт устаси Элбек Раҳимов ўлдириб кетилганлиги ҳақида видео тарқалди. Видеодан маълум бўлишича, бугун, 17 август куни соат 9:45 ларда спортчи йигитни бир неча йигитлар уриб, автомобилга солиб олиб кетган. Бироқ спортчининг бир ўзи уларга кескин қаршилик кўрсатганига қарамай, бас кела олмаган.
Бош прокуратура ушбу ҳолат бўйича Жиноят кодексининг 97-моддаси (Қасддан одам ўлдириш) билан жиноят иши қўзғатилганини маълум қилди.
Жиноят иши доирасида 7 нафар шахс гумонланувчи тариқасида жалб қилиниб, улардан 6 нафари процессуал тартибда ушланди. Ҳозирда тергов олиб борилмоқда.
Элбек Раҳимов Ушу-Санда бўйича чемпион, профессионал Р-1 бўйича эса Осиё чемпиони ҳисобланади.
