Шавкат Мирзиёев "Яшил макон" умуммиллий лойиҳаси доирасидаги ишлар натижадорлиги ва келгусидаги устувор вазифалар таҳлилига бағишланган видеоселектор йиғилишида пойтахт дренаж тизимининг ишлашига эътироз билдирди.
Таъкидланганидек, яқинда бўлиб ўтган кучли ёмғир ҳақиқий аҳволни кўрсатди.
"Дренажни шунчаки таъмирлаш етарли эмас, сув ҳавзаларида сув йиғиш тизимини яратиш ва ундан дарахтларни суғоришда фойдаланиш керак. Пойтахт туманлари ҳокимлари шахсан жойларга чиқиб, дренаж, кўкаламзорлаштириш ва ободонлаштириш масалаларини мустақил ҳал этиши керак," - дейилади йиғилишда.
Шаҳар ҳокимлигига йил якунига қадар дренаж тизимини сунъий сув ҳавзалари билан биргаликда қуриш бўйича мастер-режа ва дастур ишлаб чиқиш топширилди.
