Буюртма тайёр бўлгунча ошхонада нималар содир бўлиши одатда меҳмонлар назаридан четда қолади. Ҳатто оддий таомни дастурхонга тортиш ортида ҳам масаллиқларни тўғри сақлаш, санитария қоидаларига амал қилиш ва ходимлар ишини мувофиқлаштириш каби вазифалар туради. Экскурсия ресторан ишининг шу жиҳатларини яқиндан кўриш имконини берди.
Пресс-тур иштирокчиларига нималар кўрсатилди?
Экскурсия омборхоналар ва ошхонадаги иш жойларини кўздан кечиришдан бошланди:
Ҳудудларга ажратиш ва санитария: Маҳсулот сақланадиган ва таом тайёрланадиган жойлар алоҳида ажратилгани тушунтирилди. Бундай тартиб ўзаро ифлосланишнинг олдини олиш ва санитария талабларини бажариш учун зарур.
Технологиялар ва масаллиқлар: Иштирокчиларга маҳсулот сифатига қўйиладиган талаблар ва ишлов бериш босқичлари ҳақида сўзлаб берилди. Замонавий ускуналар қандай ишлаши ҳам амалда намойиш этилди.
Очиқ мулоқот: Журналистлар ва блогерлар озиқ-овқат хавфсизлиги ҳамда таомлар сифати юзасидан саволлар бериб, ресторан вакилларидан батафсил жавоб олди.
Ташриф Wendy’s нинг бургерлари дегустацияси билан якунланди.
«Ошхонамизда меҳмонлардан яширадиган сиримиз йўқ. Халқаро санитария меъёрларига қатъий амал қиламиз ва одамлар таомларимиз қандай шароитда, қайси маҳсулотлардан тайёрланишини ўз кўзи билан кўришини истаймиз. Ресторан бизнесида ишонч чиройли реклама билан эмас, очиқлик орқали қозонилади. “Очиқ эшиклар куни” лойиҳасини ҳам шу мақсадда йўлга қўйдик. Истаган киши келиб, иш жараёнини кузатиши ва ўзини қизиқтирган саволларни бериши мумкин», — деди Wendy’s Uzbekistan бош директори Шоҳрух Жалилов.
«Очиқ эшиклар куни»да қандай қатнашиш мумкин?
Wendy’s Uzbekistan бундай экскурсияларни нафақат матбуот вакиллари, балки барча хоҳловчилар учун ҳар душанба соат 10:00 дан 11:00 гача ўтказади. Дастур ошхона бўйлаб саёҳат, маҳсулотларни сақлаш шароитлари билан танишиш ва ходимлар билан савол-жавобни ўз ичига олади. Қатнашиш учун бренднинг Instagram даги расмий саҳифасига директ орқали олдиндан ёзиш кифоя.
Реклама ҳуқуқи асосида
Изоҳ