ИИВ Матбуот хизматининг UzNews.uz'га хабар беришича, 26 март куни Бухородаги ,,Самонийлар" истироҳат боғида эр-хотин ва уларнинг вояга етмаган фарзанди каруселда учаётган вақтида карусель корпусидан узилиб кетган. Натижада, мазкур оила вакиллари енгил тан жароҳати олишган.
Қайд этилишича, айни вақтда уларнинг аҳволи яхши. Каруселни вақтинчалик иш фаолияти тўхтатилган.
"Карусель эгаси Р.Э. ва "Когон пайвандлаш сифат" МЧЖ вакилларидан тушунтириш хатлари ёздириб олинди. Ҳолат юзасидан ички ишлар томонидан терговга қадар текшириш ишлари олиб борилмоқда", - дейилади хабарда.