Аввалроқ, Туркия ҳукумати томонидан Ўзбекистонга беғараз ёрдам сифатида COVID-19'га қарши Хитойда ишлаб чиқарилган Sinovac вакцинаси олиб келиниши ҳақида хабар бергандик.
Бугун, 13 октябрь куни Истанбул – Тошкент рейси билан 200 минг доза Sinovac вакцинаси ва 20 минг қути “Фавипиравир” дори препарати Ўзбекистонга келтирилди.
Ўзбекистон ва Туркия ҳукуматлари ўртасида соғлиқни сақлаш соҳасида грант ёрдамига оид имзоланган битим асосида олиб келинган Sinovac вакцинаси мамлакатга келтирилган олтинчи вакцина ҳисобланади.
Шундай қилиб, мамалакатда эмлаш жараёнларида фойдаланилаётган жами вакцина 28 млн 673 минг 528 дозани ташкил қилмоқда.