Мексика жанубидаги Оахака штатининг Митла - Теуантепек трассасида сайёҳлик автобуси билан содир бўлган ЙТҲ оқибатида 11 киши ҳалок бўлди, яна 12 киши жароҳатланди. Бу ҳақда Reuters нашри хабар берди.
"Аниқланишича, икки киши қизил ва 10 киши сариқ код билан тиббий ёрдам кўрсатиш учун олиб келинган. Штат ҳукумати 11 кишининг ўлимидан афсусда," - дейилади Х ижтимоий тармоғидаги хабарда.
Маълумотларга кўра, икки кишининг аҳволи оғир. Барча жабрланганлар шифохонага ётқизилган, уларга зарур ёрдам кўрсатилмоқда. Ҳайдовчи руль бошқарувини йўқотиши оқибатида транспорт воситаси чуқурлиги 200 м бўлган жарликка тушиб кетган.
