Самарқанд вилояти ИИБ Матбуот хизматининг хабарига кўра, ЙТҲ 2023 йил 22 ноябрь куни соат 11:50 ларда Оқдарё тумани ҳудудидан ўтувчи М-37 автомобиль йўлида содир бўлган. Йўловчи ташувчи автобус ҳайдовчиси бошқарувни йўқотиб, йўлнинг бетон тўсиғига урилиб кетиши натижасида йўл-транспорт ҳодисаси содир этган.
ЙТҲ натижасида, автобусда бўлган 1 нафар йўловчи вафот этган, 17 нафар фуқароларга биринчи тиббий ёрдам кўрсатилиб, уйларига жавоб берилган.
Ҳодиса юзасидан суриштирув ҳаракатлари олиб борилмоқда.
