Алиев Шуҳрат Ҳасанович ички ишлар вазирининг буйруғи билан Наманган вилояти Ички ишлар бошқармаси бошлиғи лавозимига тайинланди. Бу ҳақда вазирлик Матбуот хизмати хабар берди.
Тайинлов бугун, 23 февраль куни Наманганда бўлиб ўтган ИИВ раҳбари Пўлат Бобожонов иштирокидаги йиғилишда маълум қилинган.
Маълумот учун, Шуҳрат Алиев мазкур тайинловга қадар Бухоро вилояти ички ишлар бошқармаси бошлиғи лавозимида ишлаган.
Шунингдек, Наманган вилояти ИИБнинг аввалги раҳбари Шавкат Раҳмонов Наврўзович ички ишлар вазирининг биринчи ўринбосари — тезкор-қидирув департаменти бошлиғи лавозимига тайинланди.
