Кинематография агентлиги бош директори Фирдавс Абдухаликов яқин қариндошлари таъсисчилигидаги МЧЖнинг манфаатларини кўзлаб, давлат бюджетидан кўп миқдорда пул маблағларини ажратилишига эришиб, қонунбузилиши ҳолатларига йўл қўйган эди.
Бош прокуратура ахборот хизмати раҳбари Хаёт Шамсутдиновнинг UzNews.uz'га маълум қилишича, Бош прокуратура томонидан Коррупцияга қарши курашиш агентлиги томонидан тақдим этилган ҳужжатларга кўра, жорий йилнинг 25 январь куни Кинематография агентлиги бош директорига маъмурий ҳуқуқбузарлик тўғрисидаги иш қўзғатилиб, мазмунан кўриб чиқишлик учун судга юборилган.
