Президент “Давлат ҳокимияти ва бошқаруви органларининг тузилмасини мақбуллаштириш ва штат бирликлари сонини қисқартириш тўғрисида”ги қарорни имзолади.
Ҳужжатга мувофиқ, 1 майдан бошлаб давлат органлари ходимларининг сони 15 фоизгача мақбуллаштирилади. Жами 5288 та штат қисқартириш кўзда тутилмоқда. Бундан ташқари, вазирликлар ва идоралар раҳбар ўринбосарлари лавозимлари 106 тадан 66 тагача қисқартирилади.
Энг кўп мақбуллаштириш Молия вазирлиги (871 та қисқартириш), Қишлоқ хўжалиги вазирлиги (383), Мактабгача таълим вазирлиги (349), Халқ таълими вазирлиги (348) тизимида амалга оширилади.
