Тошкентда автобусда йўл ҳақини тўламаганларнинг 92 фоиздан ортиғи 16–30 ёшдагилар

Транспорт вазирлиги маълумотларига кўра, баённомаларнинг 92,4 фоизи 16 ёшдан 30 ёшгача бўлган йўловчиларга нисбатан тузилган.

Ёш тоифалари бўйича тақсимот қуйидагича:

• 18–30 ёшдагилар — 97 747 та (70,4%);
• 16–17 ёшдагилар — 30 533 та (22%).

Жинси бўйича эса 105 272 та баённома (75,9%) эркакларга, 33 508 таси (24,1%) аёлларга нисбатан расмийлаштирилган.

Вазирлик йўловчиларни жамоат транспортидан фойдаланишда йўл ҳақини ўз вақтида тўлашга чақирди. Қайд этилишича, чиптадан тушадиган маблағлар автобусларнинг мунтазам ҳаракатини таъминлаш, техник ҳолатини сақлаш ва ҳайдовчилар меҳнатига ҳақ тўлаш учун муҳим ҳисобланади.