Ўзбекистонда дам олиш кунлари ҳаво ҳарорати 37 даражагача кўтарилади

Кечалари ҳаво ҳарорати 17–20 даража, кундуз кунлари 31–34 даража, жанубий вилоятлар ва чўл ҳудудларида эса 35–37 даража атрофида бўлади.

Бу сентябрь ойининг иккинчи ярми учун хос иқлимий меъёрдан 2–4 даража юқори. 20 сентябрь, якшанба куни республика ҳудудининг аксарият қисмида булутлилик кучайиб, кундузги ҳарорат 2–3 даражага пасайиши кутилмоқда.
Қисқа муддатли ёмғир фақат Наманган ва Фарғона вилоятларининг тоғли ҳудудларида айрим жойларда ёғиши мумкин.

Чўл зоналари ва тоғли ҳудудларда 20 сентябрь куни шамол тезлиги 13–18 м/с гача кучайиши, айрим жойларда чанг-тўзонлар юзага келиши эҳтимоли бор.

Пойтахтда ҳаво бироз булутли, баъзи вақтларда ўзгарувчан бўлади. Ёғингарчилик кутилмайди. 18–19 сентябрь: кечаси 18–20 даража, кундузи 32–34 даража. 20 сентябрь: кечаси 18–20 даража, кундузи 30–32 даража. Шамол шарқдан 3–8 м/с тезликда эсади.