Учрашув давомида томонлар UHPC технологиясини мураккаб ва юқори талаблар қўйиладиган конструктив ечимларда қўллаш истиқболлари, уни Ўзбекистон шароитига мослаштириш ҳамда маҳаллий бозорда мавжуд бетон компонентлари асосида ишлаб чиқариш имкониятларини кўриб чиқишди.
UHPC — ўта юқори мустаҳкамликка эга махсус бетон тури бўлиб, зич тузилиши, паст сув ўтказувчанлиги ва узоқ муддатли чидамлилиги билан ажралиб туради. Ушбу хусусиятлар замонавий қурилишда янада самарали ва ишончли муҳандислик ечимларини яратиш имконини беради.
Музокаралар давомида UHPC технологиясидан фойдаланиш орқали конструкцияларнинг техник кўрсаткичларини яхшилаш, қурилиш жараёнларини оптималлаштириш ҳамда иқтисодий самарадорликка эришиш масалаларига ҳам алоҳида эътибор қаратилди.
Шунингдек, томонлар Германия тажрибаси ва замонавий технологик ёндашувларни Ўзбекистон қурилиш бозорида қўллаш, маҳаллий мутахассислар билан тажриба алмашиш ҳамда келгусида қўшма ташаббусларни амалга ошириш имкониятлари юзасидан фикр алмашишди.
Учрашув якунида Discover Invest Global ва Hypercon Solutions ўртасида UHPC технологияси йўналишидаги истиқболли ҳамкорлик масалалари муҳокама қилинди.
Discover Invest Global халқаро тажриба ва илғор қурилиш технологияларини ўрганиш, уларни маҳаллий шароитга мослаштириш ҳамда Ўзбекистондаги лойиҳаларда замонавий муҳандислик ечимларини жорий этишга алоҳида эътибор қаратади.
Сайт: di.uz
Telegram: t.me/discoverinvestjobs
Реклама ҳуқуқи асосида
Изоҳ