«Veolia Energy Tashkent» МЧЖ ХК мутахассислари масъул идоралар билан биргаликда ҳодиса жойидаги иссиқлик камерасини кўздан кечирган. Текширувда иссиқлик таъминоти қувурлари бутун ва шикастланмагани аниқланган. Шунингдек, жорий йилда ётқизилган 1240 метр узунликдаги магистрал қувур сув ва босимсиз ҳолатда бўлгани маълум қилинган. Компания ҳодиса иссиқлик таъминоти тармоқларининг эксплуатацияси ёки улардаги узилишлар билан боғлиқ эмаслигини билдирди.
«Hududgaz Poytaxt» газ таъминоти филиали ҳам ҳудуддаги газ тармоқларини ўрганган. Маълум бўлишича, мазкур ҳудуддан юқори босимли газ қувури ўтмайди. Ҳодисанинг табиий газ тармоқларига алоқаси йўқлиги ва текширув давомида газ сизиб чиқиши аниқланмагани маълум қилинди.
«Тошкент шаҳар сув таъминоти» АЖ эса ушбу авария жамият тасарруфидаги ичимлик суви тармоқларига тегишли эмаслигини билдирди.
Шу тариқа, коммунал хизматларнинг расмий изоҳларига кўра, ҳозирча Глинка кўчасидаги йўл ўпирилишининг газ, ичимлик суви ёки иссиқлик таъминоти тармоқлари билан боғлиқлиги истисно қилинмоқда.
Айни пайтда ҳодиса сабабларини аниқлаш ва унинг оқибатларини бартараф этиш бўйича масъул ташкилотлар томонидан ишлар олиб борилмоқда.
Изоҳ