Жорий йилнинг 27 июль куни Наманганда шаҳар автобусида 18 ёшли қиз ва 66 ёшли эркак ўртасида содир бўлган жанжал бўйича суд иши кўриб чиқилди, деб хабар бермоқда UzNews.uz мухбири суд қарорига таяниб.
Иш ҳужжатларига кўра, эркак қизнинг сон қисмидан ушлаб унга шаҳвоний шилқимлик қилган, шундан сўнг қиз унии уриб, соғлиғини бузилишига сабабчи бўлмаган енгил тан жарохати етказган.
Суд уларнинг ҳар иккисини ҳам маъмурий ҳуқуқбузарликда айбдор деб топди. Қизга МЖтКнинг 52-моддаси 2-қисми билан (енгил тан жароҳати етказиш) БҲМнинг ярим баравари (206 минг сўм) миқдорида жарима жазоси тайинланди.
Эркак 41-1-модданинг 1-қисми (шаҳвоний шилқимлик) билан айбдор деб топилди. Унга БҲМнинг 2 баравари (824 минг сўм) миқдорида жарима белгиланди.
Изоҳ