2015 йилда ташкил этилгандан буён MEDIAPARK маиший техника ва электроника маҳсулотлари бўйича замонавий чакана савдо тармоғини изчил ривожлантириб келмоқда. Компания офлайн дўконлар, интернет-дўкон ва мобиль иловани ягона харид экотизимига бирлаштирган. Бугунги кунда тармоқ Ўзбекистоннинг ўнлаб шаҳарларида фаолият юритади ва дунёнинг етакчи ҳамда маҳаллий брендларининг кенг турдаги маҳсулотларини таклиф қилади.
Ушбу йиллар давомида компания учун энг катта ютуқ мижозларнинг ишончи бўлди. MEDIAPARK учун техника шунчаки маҳсулот эмас, балки кундалик ҳаётни қулайлаштириш, оилаларга вақтдан унумли фойдаланиш, хонадонларга шинамлик олиб кириш ва замонавий технологияларни имкон қадар кўпроқ инсонлар учун очиқ ҳамда оммабоп қилиш воситасидир.
Сўнгги йилларда технологиялар, харидорларнинг эҳтиёжлари ва маиший техника бозори сезиларли даражада ўзгарди. MEDIAPARK ҳам ушбу жараёнларга мос равишда ривожланиб бормоқда: дўконлар тармоғини кенгайтирди, рақамли хизматларни йўлга қўйди, сервис сифатини оширди ва мижозлар билан ишлашнинг янги форматларини жорий этди.
Бугунги кунда компания нафақат техника сотишни, балки харидорга ҳар бир босқичда ҳамроҳ бўладиган хизматни яратишни мақсад қилган. Бу жараён маҳсулот танлашдан тортиб, уни етказиб бериш, профессионал ўрнатиш ва кейинги сервис хизматигача бўлган барча босқичларни қамраб олади. Бундай комплекс ёндашув харид жараёнини имкон қадар қулай ва осон қилади.
«Биз учун бу сана, аввало, йиллар давомида MEDIAPARK ни танлаб келаётган инсонлар тарихидир. Ҳар бир харид — бу биз қадрлайдиган ва бизни янада яхшироқ ишлашга ундайдиган ишонч. Бизнинг асосий мақсадимиз — замонавий технологияларни Ўзбекистоннинг қайси шаҳрида яшашидан қатъи назар, ҳар бир оила учун қулай ва оммабоп қилиш», – деб таъкидлаб ўтди MEDIAPARK бош директори.
Компаниянинг таваллуд кунига бағишланган байрам акцияси 6-16 июль кунлари бўлиб ўтади. Ушбу даврда харидорлар MEDIAPARK нинг барча дўконлари ҳамда расмий сайтида маиший техника ва электроника маҳсулотларини 60% гача чегирма билан харид қилишлари мумкин.
Кўп тармоқли хизмат кўрсатиш форматини ривожлантириб бораётган MEDIAPARK харидорларга харид қилишнинг ўзлари учун энг қулай усулини — тармоқ дўконларидан бирига ташриф буюриш, буюртмани онлайн расмийлаштириш ёки мобиль иловадан фойдаланиш каби танлаш имконини беради. Қайси усулни танлашидан қатъи назар, мижоз мутахассислар маслаҳатлари, тезкор етказиб бериш ва техникани профессионал ўрнатиш каби тўлиқ хизматлар комплексига эга бўлади.
Бугунги кунда MEDIAPARK 35 дан ортиқ дўконни бирлаштиради ҳамда Samsung, LG, Apple, Bosch, Haier, Artel, Philips, Panasonic, Tefal ва бошқа кўплаб етакчи ишлаб чиқарувчилар билан ҳамкорлик қилади. Компания замонавий чакана савдони ривожлантиришга сармоя киритишни давом этиб, ўз фаолият географиясини кенгайтирмоқда ва мижозларга хизмат кўрсатиш сифатини мунтазам такомиллаштириб бормоқда.
MEDIAPARK учун туғилган кун ортга назар ташлаш эмас, балки ривожланишнинг янги йўналишларини белгилаш имкониятидир. Компания маҳсулотлар ассортиментини кенгайтириш, янги дўконлар очиш, рақамли хизматларни янада ривожлантириш ҳамда замонавий технологияларни Ўзбекистоннинг барча ҳудудлари аҳолиси учун янада қулай ва оммабоп қилиш йўлида ўз фаолиятини давом эттиради.
MEDIAPARK ҳақида
MEDIAPARK — Ўзбекистондаги маиший техника ва электроника маҳсулотларини сотувчи энг йирик чакана савдо тармоқларидан бири. Компания 2015 йилда ташкил этилган. Бугунги кунда тармоқ мамлакатнинг турли ҳудудларидаги дўконларни бирлаштириб, интернет-дўкон ва мобиль иловани ҳам фаол ривожлантирмоқда.
Ассортиментда дунёнинг етакчи ва маҳаллий брендлари томонидан ишлаб чиқарилган 27 000 дан ортиқ маҳсулот тақдим этилган. Компания харидорларга маиший техника ва электрониканинг кенг танлови, сервис хизмати, турли тўлов усуллари ҳамда Ўзбекистон бўйлаб етказиб бериш хизматини таклиф қилади.
Телефон: +998 71 203 33 33
Сайт: mediapark.uz
Telegram: t.me/mediapark_uzb
Instagram: @mediapark_uzbekistan
Реклама ҳуқуқи асосида
Изоҳ