Бу турдаги инфратузилма элементлари «Фурқат кўчаси»дан «Ислам Каримов кўчаси»гача бўлган ҳудудда, «Халқлар дўстлиги саройи» атрофида жойлаштирилган. Ушбу йўлакда аввал «А» тоифасидаги махсус чизиқ чизилган, энди эса делиниаторлар ўрнатилиб, автобус йўлаги чегаралари янада аниқ кўринмоқда.
Маълум қилинишича, бу тизим автобуслар ҳаракатини барқарорлаштириш, тирбандлик пайтида кечикишларни камайтириш ва йўл ҳаракати қоидаларига риоя қилишни яхшилашга хизмат қилади. Делиниаторлар бошқа транспорт воситаларининг автобус йўлагига кириб кетишини чеклайди, ноаниқ перестроениеларни камайтиради ва ҳайдовчилар учун йўлни яхшироқ кўринишга келтиради.
Бундай амалиёт АҚШ, Испания, Буюк Британия, Сингапур ва Австралия каби кўплаб мамлакатларда ҳам қўлланилади.
Жорий йил якунига қадар Тошкентда 30 дан ортиқ кўчада «А» тоифали автобус йўлаклари ташкил этилиши режалаштирилган. Бу йўлакларда босқичма-босқич делиниаторлар ва жамоат транспорти самарадорлигини оширишга қаратилган бошқа инфратузилма элементлари ўрнатилади.
Изоҳ