Аввалроқ, 2026−2027 ўқув йили учун 1-синфга ҳужжатларни онлайн қабул қилиш жараёни 20 июнь соат 10:00 дан бошланиши ҳақида ёзган эдик.
Бўлажак 1-синф ўқувчиларининг ота-оналари ва қонуний вакиллари ҳужжатларни расмий рақамли платформалар - my.maktab.uz портали ва my.gov.uz Ягона интерактив давлат хизматлари портали орқали топширишлари керак.
Таъкидлаш жоизки, микроҳудудлар доирасида аризалар жорий йилнинг 20 июнидан 31 июлига қадар қабул қилинади. 1 августдан 31 августгача қабул бириктирилган микроҳудуддан ташқарида яшовчи болалар учун ўтказилади.
Керакли ҳужжатлар:
- 086/у ёки 063-шаклдаги тиббий маълумотнома;
- 3×4 ўлчамли фотосурат;
- ота-она ва боланинг шахсини тасдиқловчи ҳужжат.
Маслаҳат олиш учун МТВнинг колл-марказларига қўнғироқ қилишингиз мумкин:
- 71-203-07-04
- 71-203-04-03
Шунингдек, @mymaktabuz_bot Телеграм-боти орқали ҳам маслаҳат олиш мумкин.
Изоҳ