Ўзбекистон миллий терма жамоаси бош мураббийи Фабио Каннаваро миллий терма жамоа АҚШнинг Атланта шаҳрига етиб келгани ва жаҳон чемпионатига тайёргарликнинг ҳал қилувчи босқичига кирганини маълум қилди.
Унинг таъкидлашича, жаҳон чемпионатида иштирок этиш ҳар бир футболчининг энг катта орзуларидан бири ҳисобланади.
"Албатта, бу ажойиб туйғу. Жаҳон чемпионатида иштирок этиш ҳар бир футболчининг орзуси. Ниҳоят, биз Атлантадамиз. Машғулотларни бошлашни, ўйин ўтказишни ва бу жараёндан завқланишни сабрсизлик билан кутяпман", — деди Каннаваро.
Шунингдек, у мусобақага тайёргарлик жараёни осон кечмаганини, бироқ жамоа муҳим баҳсларга максимал даражада тайёр бўлиш учун бор имкониятини ишга солганини қайд этди.
"Одатда, жаҳон чемпионатига тайёргарлик кўриш осон бўлмайди. Турли кичик муаммолар бўлади, лекин биз имкон қадар энг яхши ҳолатда бўлишга ҳаракат қилдик. Биринчи ўйин жуда яқин ва унга тайёр бўлиш учун қўлимиздан келган барча ишни қиляпмиз", — деди бош мураббий.
Мухлисларга мурожаат қилар экан, у жамоа майдонда охирги сониягача курашишини таъкидлади.
"Ўзбекистонликларга шуни айтишим мумкинки, биз қўлимиздан келган барча ишни қиламиз. Майдонда бор кучимизни берамиз, охирги сониягача курашамиз. Чунки биз дунёнинг қаерида бўлишидан қатъи назар, барча ўзбекистонликларнинг биздан фахрланишини истаймиз", — деди Фабио Каннаваро.
Изоҳ