Янги тоифа бутун мамлакат бўйлаб фермерлар ва хусусий хўжаликларга харидорларни тезроқ топишга, фойдаланувчиларга эса ишончли сотувчилардан ҳайвонларни онлайн танлашга ёрдам беради.
Харидорлар учун қуйидагилар мавжуд бўлади:
- ҳўкиз, сигир ва бузоқлар
- қўй, қўчқор ва эчкилар
- отлар
- товуқ, ўрдак, ғоз ва куркалар
- қуёнлар
- асаларилар ва асалари оилалари
Тоифанинг ишга туширилиши, айниқса, Ҳайит байрами арафасида, яъни қишлоқ хўжалиги ҳайвонларига талаб анъанавий равишда ортадиган даврда актуал ҳисобланади. Uzum Market харид жараёнини ҳам харидорлар, ҳам сотувчилар учун янада қулай, шаффоф ва хавфсиз қилишга интилади.
«Бугунги кунда маркетплейс нафақат техника, кийим-кечак ёки озиқ-овқат сотиб олиш майдонига, балки кичик бизнес ва фермер хўжаликларини қўллаб-қувватлаш воситасига айланмоқда. Биз ҳатто кичик хўжаликлар ва хусусий фермерларга ҳам рақамли воситалар ва онлайн савдо ёрдамида бутун мамлакат бўйлаб ўз мижозларини топишга ёрдам бермоқчимиз», — деди Uzum Market бизнесни ривожлантириш бўйича директори Владислав Сахаров.
Платформада ҳайвонларни сотиш DBS (Delivery by Seller) модели бўйича амалга оширилади, бунда сотувчи барча ветеринария, санитария ва транспорт талабларига риоя қилган ҳолда ҳайвонларни сақлаш, ташиш ва харидорга етказиб бериш учун мустақил жавоб беради.
Карточкаларни жойлаштириш учун сотувчилар зарур ветеринария ҳужжатларига эга бўлишлари керак, шу жумладан:
- ветеринария паспорти
- импорт қилинган ҳайвонлар учун ветеринария гувоҳномаси ёки кузатув ҳужжатлари
- ҳайвоннинг сотиш ва харидорга топшириш пайтидаги соғлиғини тасдиқловчи ветеринария маълумотномаси ёки хулосаси
Бундан ташқари, сотувчилар ҳайвонлар ва паррандаларни ташиш шароитлари, ҳарорат режими, контейнерлар, маркировка ва ҳайвонлар фаровонлиги талабларига риоя қилган ҳолда хавфсиз ташишни таъминлашади.
Янги тоифа Uzum Market нинг бутун мамлакат бўйлаб харидорлар ва тадбиркорларни — йирик брендлардан тортиб маҳаллий ишлаб чиқарувчилар ва фермер хўжаликларигача бирлаштирувчи платформа сифатидаги ривожланишини давом эттирмоқда.
Реклама ҳуқуқи асосида
Изоҳ